Dərman vasitəsinin istifadəsi üzrə təlimat (xəstələr üçün)

QREYSERİN   örtüklü tabletlər
GREYSERIN

Beynəlxalq patentləşdirilməmiş adı: Cefuroxime

Tərkibi
Təsiredici maddə:   1 tabletin tərkibində 500 mq sefuroksimə ekvivalent sefuroksim aksetil vardır.
Köməkçi maddələr: mikrokristallik sellüloza, natrium kroskamelloza, natrium laurilsulfat, hidrogenləşdirilmiş bitki yağı, kolloidal silisium dioksid.
Örtük: hidroksipropilmetilsellüloza, propilenqlikol, metilparaben, propilparaben.            

Təsviri
Ağ rəngli, uzunsov, bir tərəfi düz, digər tərəfində "500" həkk olunmuş homogen örtüklü tabletlərdir.

Farmakoterapevtik qrupu
II nəsil sefalosporin antibiotiki.

ATC kodu: J01DC02.

Farmakoloji xüsusiyyətləri
Farmakodinamikası
Sefuroksim aksetil sefuroksimin prodərmanıdır. Sefuroksim bakterisid təsir göstərir, bir çox β-laktamazalara qarşı davamlıdır.
Sefuroksim aşağıdakı mikroorqanizmlərə qarşı in vitro aktivdir.
Aerob qrammənfi:

• Haemophilus influenzae (ampisillinə davamlı növləri daxil olmaqla)
• Haemophilus parainfluenzae
• Moraxella (Branhamella) catarrhalis
• Neisseria gonorrhoeae (həm penisillinaza hasil edən, həm də hasil etməyən növləri daxil olmaqla)
• Klebsiella spp.
• Proteus mirabilis
• Providencia spp.
• Proteus rettgeri
• Escherichia coli.

Aerob qrammüsbət:

• Staphylococcus aureus və Staphylococcus epidermidis (penisillinaza hasil edən növləri daxil olmaqla, lakin metisillinə davamlı olan növləri istisna edilməklə)
• Streptococcus pyogenes (və digər beta-hemolitik streptokokklar)
• Streptococcus pneumoniae
• Streptococcus Qrup B (Streptococcus agalactiae)

Anaeroblar:

• Qrammüsbət və qrammənfi kokklar (Peptococcus və Peptostreptococcus növləri daxil olmaqla)

Qrammüsbət basillalar (Clostridium növləri daxil olmaqla)

• Qrammənfi basillalar (Bacteroides və Fusobacterium növləri daxil olmaqla)
• Propionibacterium spp.

Digər mikroorqanizmlər:

• Borrelia burgdorferi.

Aşağıdakı mikroorqanizmlər Sefuroksimə davamlıdır:

• Clostridium difficile
• Pseudomonas spp.
• Campylobacter spp.
• Acinetobacter calcoaceticus
• Listeria monocytogenes
• Staphylococcus aureus və Staphylococcus epidermidisin metisillinə davamlı növləri.
• Legionella spp.
• Enterococcus (Streptococcus) faecalis.

Aşağıdakı mikroorqanizmlərinin bəzi növləri Sefuroksimə davamlıdır:

• Morganella morganii
• Proteus vulgaris
• Enterobacter spp.
• Citrobacter spp.
• Serratia spp.
• Bacteroides fragilis

Farmakokinetikası
Absorsiyası
Oral qәbul edildikdәn sonra sefuroksim mәdә-bağırsaq traktından tәdricәn absorbsiya olunaraq, bağırsağın selikli qişasında vә qanda sürәtlә hidrolizә uğrayır, sefuroksim qan dövranına azad olunur. Optimal absorbsiya yemәkdәn az sonra qәbul edildikdәn sonra baş verir. Qәbuldan sonra sefuroksimin zәrdabda әn yüksәk konsentrasiyası (125 mq doza üçün 2,1 mq/l, 250 mq doza üçün 4,1 mq/l, 500 mq doza üçün 7,0 mq/l vә 1 q doza üçün 13,6 mq/l) yemәklә birlikdә istifadәdәn sonra tәxminәn 2-3 saat әrzindә müşahidә olunur.
Paylanması
Zülallarla birlәşmәsi istifadә qaydasından asılı olaraq 33-50% arasında dәyişir.
Metabolizmi
Sefuroksim metabolizmә uğramır.
Xaric olması
Zәrdabda yarımparçalanma dövrü 1-1,5 saat arasındadır. Sefuroksim yumaqcıq filtrasiyası vә borucuq sekresiyası vasitәsilә xaric olunur. Yanaşı olaraq probenesidin tәyin olunması zәrdabda konsentrasiya-zaman әyrisinin altındakı sahəni 50% artırır.
Böyrәk çatışmazlığı
Sefuroksimin farmakokinetikası müxtәlif dәrәcәli böyrәk çatışmazlığı olan xәstәlәrdә tәdqiq olunmuşdur. Sefuroksimin yarımxaricolma dövrü böyrәk funksiyasının azalmasına müvafiq olaraq artır, bu isә elә xәstәlәrdә dozanın dәyişmәsi üçün tövsiyәlәrә әsas verir. Hemodializdә olan xәstәlәrdә dializin әvvәlindә orqanizmdә olan sefuroksimin 60%-i 4 saatlıq dializ әrzindә xaric olunur. Buna görә dә hemodializ bitdikdәn sonra әlavә olaraq tәk doza sefuroksim tәyin olunmalıdır.

İstifadəsinə göstərişlər

• Yuxarı tәnәffüs yollarının infeksiyaları, mәsәlәn, orta qulağın kәskin otiti, kәskin bakterial sinusit, kәskin streptokok tonzillit vә faringit kimi qulaq, burun vә boğaz infeksiyaları;
• Aşağı tәnәffüs yollarının infeksiyaları, mәsәlәn, bronxit, pnevmoniya, ağciyәrlәrin xroniki obstruktiv xәstәliyinin kәskinlәşmәsi;
• Sidik-cinsiyyәt yollarının infeksiyaları, mәsәlәn, pielonefrit, sistit;
• Dərinin və yumşaq toxumaların infeksiyaları, məsələn, furunkul, irinli dəri infeksiyası (piodermiya), yoluxucu, səthi dəri infeksiyası (impetiqo);
• Qonoreya, kәskin ağırlaşmamış qonokok uretriti vә servisit;
• Erkәn aşkar edilmiş Laym xәstәliyinin müalicәsi;

 Əks göstərişlər

• Sefuroksimə, hər hansı sefalosporin antibiotiklərinə və ya preparatın hər hansı tərkib hissəsinə yüksək həssaslıq.
• Beta-laktam antibiotiklərinə (penisilinlər, monobaktamlar, karbapenemlər kimi) qarşı yüksək həssaslıq.

Xüsusi göstərişlər və ehtiyat tədbirləri
Müalicəyə başlamazdan əvvəl xəstənin əvvəllər sefalosporinlərə, penisillinlərə və ya digər dərmanlara qarşı həssaslıq reaksiyalarının olub olmadığını müəyyən etmək üçün diqqətlə araşdırma aparılmalıdır. Sefuroksim penisillinə həssas xəstələrə veriləcəksə, ehtiyatlı olmaq lazımdır, çünki beta-laktam antibiotikləri arasında çarpaz həssaslıq mümkündür və penisilinə allergiyası olan xəstələrin 10%-ə qədərində baş verə bilər. Allergik reaksiya baş verərsə, preparatın qəbulu dayandırılmalı və müvafiq terapiya təyin edilməlidir. Ciddi kəskin həssaslıq reaksiyaları epinefrin və digər təcili tədbirlər, o cümlədən oksigen, venadaxili mayelər, venadaxili antihistaminlər, kortikosteroidlər, pressor aminlər və klinik göstərişlərə uyğun olaraq tənəffüs yollarının idarə edilməsi ilə müalicə tələb edə bilər.
Digәr antibiotiklәr kimi, sefuroksim də Candida göbәlәyinin hәddindәn artıq çoxalmasına sәbәb ola bilәr. Uzun müddətli istifadәsi digәr qeyri-hәssas mikroorqanizmlәrin artması ilә nәticәlәnә bilәr, (mәsәlәn, enterokoklar vә Clostridium difficile), bu isә müalicәnin dayandırılmasına sәbәb ola bilәr. Antibiotiklәrin istifadәsi ilә әlaqәdar ağrılıq dәrәcәsinә görә yüngül dәrәcәdәn hәyat üçün tәhlükәli dәrәcәyә qәdәr psevdomembranoz kolitin yaranması haqqında mәlumat verilmişdir. Buna görә dә, antibiotik istifadәsi müddәtindә vә ya sonra ishal әmәlә gәlәn xәstәlәrdә bu diaqnoz nәzәrә alınmaldır. Uzun müddәt davam edәn, әhәmiyyәtli dәrәcәdә tez-tez ishal baş verirsә, yaxud xәstәdә qarında sancılar varsa, müalicә dәrhal dayandırılmalı vә xәstә daha әtraflı müayinә olunmalıdır. Peristaltikanı zәiflәdәn preparatlardan istifadә etmәk olmaz.
Laym xәstәliyinin müalicәsi zamanı preparatın istifadәsindәn sonra Yariş-Herksheymer reaksiyası müşahidә oluna bilәr. Bu, Laym xәstәliyinin törәdicisi olan Borrelia burgdorferi spiroxetinә qarşı sefuroksimin birbaşa bakterisid tәsiri ilә әlaqәdardır. Xәstәlәr mәlumatlandırılmalıdır ki, bu reaksiya Laym xәstәliyinin antibiotiklәrlә müalicәsinin tipik nәticәsidir vә adәtәn öz-özünә keçir. Ardıcıl terapiya zamanı peroral terapiyaya keçid infeksiyanın ağırlıq dәrәcәsindәn, pasiyentin klinik vәziyyәtindәn vә törәdici patogenlәrin hәssaslığından asılıdır. Әgәr 72 saat әrzindә klinik yaxşılaşma müşahidә olunmursa, parenteral müalicә davam etdirilmәlidir.
Sefuroksimin istifadəsi ilə bağlı müsbət Kumbs testinin inkişafı qanın çarpaz uyğunlaşmasına mane ola bilər.
Ferrisianid testində yanlış mənfi nəticə yarana biləcəyi üçün sefuroksim aksetil qəbul edən xəstələrdə qan/plazma qlükoza səviyyəsini təyin etmək üçün ya qlükoza oksidaza, ya da heksokinaza üsullarından istifadə etmək tövsiyə olunur. Ardıcıl terapiyada parenteral terapiyadan oral terapiyaya keçid vaxtı infeksiyanın kəskinliyi, xəstənin klinik vəziyyəti və xəstəliyə səbəb olan patogenlərin həssaslığı ilə müəyyən edilir. 72 saat ərzində hər hansı klinik yaxşılaşma müşahidə olunmazsa, parenteral müalicə kursu davam etdirilməlidir.
Preparatın tərkibində allergik reaksiyalara (ehtimal ki, gecikmiş) səbəb ola biləcək metil parahidroksibenzoat və propil parahidroksibenzoat var.

Digər dərman vasitələri ilə qarşılıqlı təsiri
Mədə turşuluğunu azaldan dərmanlar sefuroksimin biomənimsənilməsinin aclıq halı ilə müqayisədə daha aşağı olmasına səbəb ola bilər vә qida qәbulundan sonra güclәnmiş absorbsiya effektini poza bilәr.
Digәr antibiotiklәr kimi sefuroksim bağırsaq florasına tәsir edәrәk, estrogenin reabsorbsiyasını vә kombinәolunmuş oral kontraseptivlәrin effektivliyini azalda bilәr.
Sefuroksim qlomerular filtrasiya və borulu sekresiya ilə xaric olunur. Probenisidin eyni vaxtda istifadəsi tövsiyə edilmir. Probenesidin eyni vaxtda qəbulu sefuroksimin pik konsentrasiyasını, zərdabda konsentrasiya vaxtı əyrisi altındakı ərazini və yarımatılma periodunu əhəmiyyətli dərəcədə artırır.
Peroral antikoaqulyantlarla birgә istifadәsi BNN-in (İNR) artmasına sәbәb ola bilәr.
Ferrisianid testi yanlış mәnfi nәticә verә bildiyi üçün, sefuroksim qәbul edәn xәstәlәrdә qanda/plazmada qlükoza sәviyyәsini tәyin etmәk üçün qlükoza oksidaza vә ya heksokinaza metodlarından istifadә etmәk tövsiyә olunur.
Bu antibiotik kreatinin üçün alkalin pikrat testinә tәsir etmir.
Bir sinif olaraq sefalosporinlər qırmızı qan hüceyrələrinin membranlarının səthinə sorulur və müsbət Kumbs testi (qanın çarpaz uyğunlaşmasına mane ola bilən) və çox nadir hallarda hemolitik anemiya yaratmaq üçün dərmana qarşı yönəldilmiş anticisimlərə reaksiya verirlər.

Hamiləlik və laktasiya dövründə istifadəsi
Hamiləlik
Sefuroksimin istifadәsi ilә әlaqәli embriopatik vә ya teratogen tәsirlәrlәr barәdә eksperimental dәlillәr mövcud deyil, lakin hamilәliyin ilk aylarında ehtiyatla istifadə olunmalıdır.
Laktasiya
Sefuroksim ana südünә keçir, buna görә dә ana südü ilә qidalandıran qadınlarda istifadәsi zamanı ehtiyatlı olmaq lazımdır.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Bu dərman vasitәsi başgicəllənmə yarada bildiyi üçün, xәstәlәrә nәqliyyat vasitәlәrini vә digәr mexanizmlәri idarә edәrkәn ehtiyatlı olması haqqında xәbәrdarlıq edilmәlidir.

İstifadə qaydası və dozası
Müalicə kursu adәtәn 7 gündür (5-10 gün). Hәr bir infeksiyanın müalicәsi üçün sefuroksimin dozası seçilәrkәn aşağıdakılar nәzәrә alınmalıdır:
· Gözlәnilәn patogen törәdicilәr vә onların sefuroksim aksetilә qarşı ehtimal olunan həssaslığı
· İnfeksiyanın ağırlıq dәrәcәsi vә infeksiya nahiyәsi
· Aşağıda göstәrildiyi kimi, xәstәnin yaşı, çәkisi vә böyrәklәrin funksiyası
Müalicә müddәti infeksiyanın tipindәn vә xәstәnin müalicəyə qarşı verdiyi cavab reaksiyasından asılıdır və tövsiyə olunandan daha uzun müddәt istifadә olunmamalıdır. Optimal absorbsiya üçün sefuroksim yemәkdәn sonra təyin olunmalıdır.
Böyüklәr vә çәkisi 40 kq-dan çox olan uşaqlar

Ardıcıl terapiya
Sefuroksim həmçinin parenteral tətbiq üçün sefuroksim natrium duzu şəklində mövcuddur. Parenteral müalicədən oral müalicəyə keçidin kliniki göstəriş olduğu hallarda, sefuroksim ilə parenteral müalicənin oral müalicəsi ilə davam etdirilməsinə imkan verir.
Pnevmoniya
1,5 q sefuroksim Na gündə 3 dәfә vә ya 2 dəfə (venadaxili (i.v.) vә ya әzәlәdaxili (i.m.)) 48-72 saat әrzindә, daha sonra sefuroksim aksetillə peroral terapiya, 500 mq gündә 2 dәfә, 7-10 gün әrzindә.
Ağciyәrlәrin xroniki obstruktiv xәstәliyinin kәskinlәşmәsi
750 mq sefuroksim Na gündә 3 vә ya 2 dәfә (i.v. vә ya i.m) 48-72 saat әrzindә, daha sonra sefuroksim aksetil peroral terapiya, 500 mq gündә 2 dәfә, 5-10 gün әrzindә.

Bәdәn çәkisi 20-40 kq olan uşaqlar

Sefuroksim aksetil tabletlәri әzilmәmәli vә bölünmәmәlidir, bu sәbәbdәn tabletlәri uda bilmәyәn daha az yaşlı uşaqların müalicәsi üçün uyğun deyil. Buna görә dә sefuroksim aksetil suspenziyası bütöv tableti uda bilmәyәn xәstәlәr üçün tövsiyә olunur.
Böyrək çatışmazlığı Sefuroksim әsasәn böyrәklәr vasitәsilә xaric olunur. Әhәmiyyәtli dәrәcәdә böyrәk çatışmazlığı olan xәstәlәrdә sefuroksimin dozası onun daha aşağı sekresiyasını kompensә etmәk üçün azaldılmalıdır (aşağıdakı cәdvәlә bax).

Əlavə təsirləri
Sefuroksim aksetilin səbəb olduğu əlavə reaksiyalar adətən, yüngül və keçib gedəndir. Aşağıdakı əlavə reaksiyaların baş vermə tezliyi hesablanmışdır, lakin, bir çox əlavə reaksiyaların hesablanması üçün müvafiq göstəriciləri (məs: plasebo-kontrollu tədqiqatlarda) məlum deyil. Əlavə olaraq, Sefuroksim aksetil ilə əlaqəli əlavə reaksiyaların baş verməsi təyinatına görə fərqlənə bilər. Klinik tədqiqatlarda verilən məlumatlara əsasən arzuolunmaz təsirlərin başvermə tezliyi çox geniş yayılmışdan nadir hallara qədər müəyyənləşdirilmişdir. Digər arzuolunmaz təsirlərin (<1/1000) başvermə tezliyi daha çox post marketinq göstəricilərə əsasən və həqiqi başvermə hallarından daha çox qeydə alınan hallara istinad edilərək təyin edilmişdir. Plasebo kontrollu tədqiqatların nəticələri məlum deyil. Klinik tədqiqatların nəticəsinə əsasən hesablandığı hallarda dərmanla əlaqəli göstəricilərə əsaslanılmışdır (tədqiqatçı qiymətləndirir).
Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100); nadir hallarda (≥  1/10000 - < 1/1000); çox nadir hallarda (< 1/10000); məlum deyil (əldə olan məlumatlara görə tezliyi qiymətləndirmək mümkün deyil).
İnfeksiyalar və invaziyalar
Tez-tez: dəri və selikli qişaların kandidozu.
Məlum deyil: rezistent orqanizmlərin çoxalması.
Qanyaradıcı ve limfa sisteminə
Nadir hallarda: keçici leykopeniya (neytropeniya daxil olmaqla), trombositopeniya.
Çox nadir hallarda: keçici aqranulositoz ve hemolitik anemiya, qanaxma və protrombin müddətinin uzanması.
İmmun sisteminə
Çox nadir hallarda: angionevrotik ödem, anafilaksiya, zərdab xəstəliyinə bənzər sindrom, hiperhəssaslı vaskulit.
Sinir sisteminə
Bəzən: Başgicəllənmə, başağrı.
Çox nadir hallarda: keçici hiperaktivlik və qıcolmalar. Qıcolmalar böyrək funksiyası pozulmuş və ya yüksək dozalar alan xəstələrdə müşahidə oluna bilər.
Həzm sisteminə
Tez-tez: diareya, ürəkbulanma, qusma. Ürəkbulanma əsasən yüksək dozaların qəbulu ilə əlaqədardır. Mədə-bağırsaq traktı tərəfindən reaksiyalar müşahidə olunduqda preparatı yeməkdən əvvəl qəbul edərək onları azaltmaq olar.
Bəzən: dispepsiya.
Çox nadir hallarda: antibiotiklərin qəbulu ilə əlaqəli kolit (psevdomembranoz kolit və hemorragik kolit daxil olmaqla). Çox nadir hallarda uşaqlarda dişlərin rənginin dəyişilməsi müşahidə oluna bilər, bu da diş fırçası ilə təmizlənir.
Hapato-biliar sistemə
Bəzən: beta-laktam antibiotiklərlə müalicə alan xəstələrdə AST və/və ya ALT səviyyələrinin mülayim artması qeyd olunur.
Çox nadir hallarda: hepatit ve xolestatik sarılıq. Bu hallar həmçinin digər penisillinlər və sefalosporinlərdən istifadə zamanı da müşahidə oluna bilər.
Qaraciyər tərəfindən meydana çıxan simptomlar daha tez-tez kişilərdə və yaşlı xəstələrdə rast gəlinir və uzunmüddətli müalicə ilə əlaqəli ola bilər. Uşaqlarda həmin simptomlar haqqında çox nadir hallarda bildirilmişdir. Qaraciyər tərəfindən simptomlar adətən müalicə müddətində və ya müalicədən dərhal sonra, bəzən isə preparatın qəbulu dayandırıldıqdan bir neçə həftə sonra inkişaf edə bilər və adətən keçici olur, tək-tək hallarda ölümlə nəticələnə bilər. Belə simptomlar əsasən ciddi xəstəliklər zamanı və ya potensial hepatik təsiri olan preparatlarla birgə istifadə etdikdə müşahidə olunur.
Dəri və dərialtı piy toxumasına
Bəzən: dəri səpkisi, qaşınma, övrə.
Nadir hallarda: multiformalı eritema.
Çox nadir hallarda: Stivens-Conson sindromu, toksik epidermal nekroliz, bullyoz eksfoliativ dermatit, kəskin generalizə olunmuş ekzantematoz pustulyoz. Hiperhəssas dəri reaksiyaları müşahidə olduqda müalicə dayandırılmalıdır.
Böyrək və sidikçıxarıcı yollara
Nadir hallarda: hematuriya.
Çoxnadirhallarda: İnterstisial nefrit, kristaliuriya.

Doza həddinin aşılması
Dozanın həddinin aşılması zamanı serebral qıcıqlanma və konvulsiyalar baş verə bilər. Sefuroksim hemodializ və yaxud peritoneal dializ üsulu ilə xaric oluna bilər.

Buraxılış forması
10 tablet blisterdə. 1 blister içlik vərəqi ilə birlikdə karton qutuya qablaşdırılır.
7 tablet blisterdə. 2 blister içlik vərəqi ilə birlikdə karton qutuya qablaşdırılır.

Saxlanma şəraiti
25ºС temperaturdan yüksək olmayan, işıqdan qorumaqla və uşaqların əli çatmayan yerdə saxlamaq lazımdır.

Yararlılıq müddəti
3 il.
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı
Deva Holding A.Ş., Turkey.
Çerkezköy Organize Sanayi Bölgesi, Karaağaç Mah.,
Atatürk Cad., No.: 32 Kapaklı-Tekirdağ, Turkey.

Məhsulun və əmtəə nişanının sahibi/Qeydiyyat vəsiqəsinin sahibi
Prudens Pharma LP, Scotland.
Office 7, Centrum offices, 38 Queen street, Glasgow, Scotland, G1 3 DX, Scotland.