Sakurat

Dərman vasitəsinin istifadəsi üzrə təlimat (xəstələr üçün)

SAKURAT

Beynəlxalq patentləşdirilməmiş adı:

Deksketoprofen

Tərkibi

Təsiredici maddə:: Hər 1 ml məhlulda 25 mq deksketoprofenlə uyğun 36.9 mq deksketoprofen trometamol və 2 ml-də 50 mq deksketoprofenə bərabər (ümumi ampul həcmi) 73.8 mq deksketoprofen trometamol vardır.

Köməkçi maddələr: etanol (% 96), natrium xlorid, natrium hidroksid (pH tənzimlənməsi üçün), inyeksiya üçün su.

Təsviri

Hər birində 50 mq deksketoprofen(trometamol ) ehtiva edən, hər biri 2 ml olan, demək olar ki, rəngsiz, şəffaf məhlul, 6 ampul şəklində.

Farmakoterapevtik qrupu

Qeyri steroid iltihab əleyhinə preparat, analgetik

ATC kodu:

MO1AE17

Farmakoloji xüsusiyyətləri

Qeyri steroid iltihab əleyhinə preparatların təsir mexanizmi, siklooksigenazanı ingibə edərək

prostaglandinlərin sintezində pozması ilə əlaqələndirilir. Böyük ölçüdə, araxidon turşusunun siklik endoperoksidlərə, PGG2 və PGH2-yə çevrilməsini ingibə edərək prostaglandinlərin PGE 1, PGE2, PGF2α və PGD 2, həmçinin prostasiklin və PGI 2 tromboksanlar (TxA2 və TxB2) əmələ

gəlməsinin qarşısını alır.Prostaglandin sintezinin ingibəsi, kininlər kimi digər iltihab

mediatorlarının sintezinə təsir edə bilər və bu da dolayı təsirlərə aiddir

Farmakodinamika: Deksketoprofen trometamol, analgetik, antipiretik və iltihab əleyhinə təsir göstərən qeyri steroid iltihab əleyhinə maddədir. Müxtəlif ağrı növləri üçün aparılan klinik

tədqiqatlar, deksketoprofen trometamolun yüksək analgetik aktivliyə sahib olduğu görünür.

Preparatın analgetik təsiri ilk 45 dəqiqə ərzində maksim həddə çatır və 8 saat öz təsirini
saxlamış olur. Klinik tədqiqatlara əsasən deksketoprofen trometamolun istifadəsi postoperatif ağrını aradan qaldırmaq üçün opiatların istifadəsini əhəmiyyətli dərəcədə azaldır (əməliyyatdan sonrakı ağrıları aradan qaldırmaq üçün morfin qəbul edən xəstələrə deksketoprofen təyin edildikdə, plasebo ilə müqayisədə xeyli az morfin (30-45%) tələb edilirdi ).

Farmakokinetikası

Sorulması: Deksketoprofen trometamolun əzələdaxili tətbiqindən sonra qan plazmasındakı maksimal konsentrasiya (Cmax) orta hesabla 20 dəqiqədən (10-45 dəqiqə) sonra əldə edilir. Bir dəfəlik 25-50 mq doza qəbulundan sonra ”konsentrasiya vaxtı” əyrisi (AUC) altındakı sahə həm əzələdaxili, həm də venadaxili tətbiq üçün eynidir. Müvafiq farmakokinetik parametrlər, tək və təkrari əzələdaxili və ya venadaxili tətbiqdən sonra oxşardır və kumulyasiya olmadığını göstərir.

Paylaması: Deksketoprofen trometamol, plazma zülalları ilə yüksək birləşmə aktivliyinə malikdir(% 99). Paylanma həcmi ortalama 0,25 l / kq-dan aşağı deyil, yarım paylama təxminən 0,35 saatdır.

Xaric olunması: Qlükuron turşu ilə birləşir, daha sonra metabolit şəklində böyrəklər vasitəsilə ifraz olunur. Yarım atılma dövrü təxminən 1-2,7 saatdır.

Yaşlı xəstələr: Yaşlı xəstələrdə yarım atılma dövrü (həm tək, həm də təkrari əzələdaxili və ya venadaxili tətbiqdən sonra) orta hesabla 48% -ə qədər uzanır, dərmanın ümumi klirensi azalır.

İstifadəsinə göstərişlər

Kalsifikasiya simptomları və əlamətlərinin (osteoartrit ), ağrılı və deformasiya olunmuş oynaqların (revmatoid artrit) müalicəsi.
Boyun, döş və bel fəqərələri oynaqlarının sərtləşməsi ilə xarakterizə olunan proqressivləşən ağrılı revmatizmin müalicəsi (ankilozlaşdırıcı spondilit).
Kəskin podaqra hesabına baş verən oynaq iltihabının (kəskin podaqrik artrit)müalicəsi
Kəskin əzələ-skelet ağrısının, əməliyyatdan sonrakı ağrının (əməliyyat sonrası ağrı) müalicəsi və ağrılı aybaşı (dismenoreya).
Böyrək sancısının müalicəsi (şiddətli böyrək ağrısı)

Əks göstərişlər

Aşağıdakı hallarda SAKURAT qəbul etmək olmaz

deksketoprofen trometamola və ya SAKURAT -in tərkibindəki hər hansı bir komponentə qarşı allergiya(yüksək həssaslıq)
aspirinə və ya digər qeyri-steroid iltihab əleyhinə preparatlara qarşı allergiya.
astma və ya astma tutmaları, kəskin allergik rinit (burun selikli qişasının uzun müddətli olmayan iltihabı), burun polipləri(allergiyaya hesabına baş verən burun törəmələri), səpgilər (dəri səpgiləri), angionevrotik ödem(üzün, gözlərin, dodaqların şişməsi və ya tənəffüsün çətinləşməsi), asetilsalisil turşusu və ya digər qeyri steroid iltihab əleyhinə preparatların qəbulundan sonra sinədə xırıltı
ketoprofen (qeyri steroid iltihab əleyhinə preparat) və ya fibratların (qanda yağların miqdarını azaltmaq üçün istifadə olunan dərmanlar) qəbulundan sonra fotoalergik və ya fototoksik reaksiyalardan (günəş işığına məruz qaldıqdan sonra dəri səthində xüsusi bir qızartı və / və ya köpüşüklərin əmələ gəlməsi) əziyyət çəkənlər;
peptik xora/mədə və ya bağırsaq qanaxması və ya əvvəllər keçirilmiş mədə və ya bağırsaq qanaxması, peptiki xora və ya perforasiya;
qeyri-steroid iltihab əleyhinə preparatların(QSİƏP) istifadəsindən sonra yaranan, əvvəllər keçirilmiş mədə və ya bağırsağın qanaxması və ya perforasiyası olmuşdursa.
xroniki həzm prosesi pozulmaları(məsələn, həzmin pozulması, qıcqırma)
bağırsağın xroniki iltihabi xəstəliyi (kron xəstəliyi və ya xoralı kolit),
ağır ürək çatışmazlığı, orta dərəcəli və ya ağır böyrək çatışmazlığı və ya ağır qaraciyər problemləri;
qan laxtalanma və ya qan laxtalanmanın pozulması;
Qusma, ishal (çox maye itirilir) və ya kifayət qədər maye qəbul edilməməsi səbəbindən bədənin ciddi dərəcədə susuzlaşması
hamiləliyin üçüncü trimestri və ya ana südü ilə qidalanma.

Xüsusi göstərişlər və ehtiyat tədbirləri

anamnezində bağırsağın xroniki iltihabi xəstəliyi (xoralı kolit, Kron xəstəliyi)olanlar;
əvvəllər və ya hal-hazırda mədə və ya bağırsaq problemlərindən əziyyət çəkənlər;
qanaxma riskini artıran və ya mədə bağırsaq xorası törətmə riski daşıyan dərmanların qəbulu; məsələn: oral steroidlər, bəzi antidepresanlar (SGTSİ tipi, yəni serotonin geriyə tutulmasının selektiv inhibitorları), laxtalanma qarşısını alan aspirin və ya varfarin və onun kimi antikoaqulyant maddələr. Belə hallarda, SAKURAT qəbul etməzdən əvvəl həkiminizlə məsləhətləşin: həkim sizdən mədənizi qorumaq üçün əlavə bir dərman qəbul etməyinizi istəyə bilər (misoprostol və ya mədədə turşu sintezini blokada edən dərmanlar);
sizdə ürək problemi varsa və ya insult keçirə biləcəyinizi düşünürsüzsə (məsələn, yüksək qan təzyiqiniz, şəkərli diabet, qanda xolesterinin miqdarı yüksəkdirsə və ya siqaret çəkirsinizsə) müalicə həkiminiz və ya əczaçınızla məsləhətləşin, SAKURAT kimi dərmanlar çox kiçik də olsa ürək tutma(“miokard infarktı”) və ya insult keçirmə riskinin artmasına səbəb ola bilər. Hər hansı bir risk yüksək dozalarda və uzun müddətli müalicə zamanı daha çox ehtimal olunur. Tövsiyə olunan dozanı və ya müalicə müddətini aşmayın;
yaşlılarda: əlavə təsirlərin olma ehtimalı daha yüksəkdir. Bu hallarda hər hansı biri baş verərsə, dərhal həkiminizə müraciət edin;
allergiyadan əziyyət çəkirsinizsə və ya əvvəllər allergiya ilə bağlı probleminiz olmuşdursa.
sizdə böyrək, qaraciyər və ya ürək problemi (hipertoniya və / və ya ürək çatışmazlığı), həmçinin orqanızmində mayenin tutulma problemi varsa və ya əvvəllər bu problemlərdən hər hansı biri olmuşdursa;

diuretik qəbul edirsə və ya həddindən artıq maye itkisinə görə qan həcminin azalmasından əziyyət çəkirsinizsə(məsələn, həddindən artıq sidik ifrazı, ishal və ya qusma);
sonsuzluqla bağlı problemi olan qadınlar (bu səbəbdən hamilə qalmağı planlaşdırırsınızsa,

SAKURAT sizin hamilə qalma qabiliyyətinizi azalda bilər,);

hamiləliyin birinci və ya ikinci trimestri;
qanyaranma və qan hüceyrələrinin əmələ gəlməsində baş verən pozulmalar
sistemli qırmızı qurd eşənəyi və ya birləşdirici toxumanın sistem xəstəlikləri(immunitet sistemin patologiyaları hesabına birləşdirici toxumanın zədələnməsi)
astmadan əziyyət çəkən və yanaşı olaraq xroniki rinit, xroniki sinusit və / və ya burunda polip olan xəstələr də asetilsalisil turşusu və / və ya QSİƏP –lara qarşı allergiya riski digərlərindən daha yüksəkdir. Bu dərmanın qəbulu xüsusilə, asetilsalisil turşusu və ya QSİƏP-ə qarşı allergiyası olan xəstələrdə astma tutmalarına və ya bronxospazma səbəb ola bilər
suçiçəyi; müstəsna hallarda QSİƏP infeksiyanı ağırlaşdıra pisləşdirə bilər;
QSİƏP qanaxma, xora və perforasiya daxil olmaqla mədə-bağırsaqlarda ciddi fəsadlara səbəb ola bilər ki, bu da ölümcül ola bilər. Bu fəsadlar dərmandan istifadə zamanı istənilən vaxt və əvvəlki kliniki əlamətlər ilə və ya əlamətlər olmadan baş verə bilər. Yaşlı xəstələrdə ciddi mədə-bağırsaq fəsadlarının olma riski daha da yüksəkdir.

Əvvəlki kliniki əlamətlərə uyğun əlamətlər muşahidə etdikdə, həkiminizi məlumatlandırın.

SAKURAT-ın tərkibindəki bəzi maddələr haqqında vacib məlumatlar

Hər bir SAKURAT ampulasında 12.35% etanol (spirt) var, yəni, 200 mq-a qədər dozada 5 ml pivə və ya 2.08 ml şəraba bərabərdir. Alkoqolizmdən əziyyət çəkənlər üçün zərərlidir. Hamilə və ya süd verən qadınlarda, uşaqlarda, qaraciyər xəstəlləri və ya epilepsiya xəstələri kimi yüksək risk qruplarında nəzərə alınmalıdır.

Bu dərman məhsulu doza başına 1 mmol az natrium (23 mq) ehtiva edir; bu dozada natriumla əlaqəli yan təsir gözlənilmir

Digər dərman vasitələri ilə qarşılıqlı təsiri

SAKURAT- la yanaşı aşağıdakı dərmanlardan birini qəbul edirsinizsə və ya qəbul etmək istəyirsinizsə, həkiminizi, diş həkiminizi və ya əczaçınızı məlumatlandırın. Bəzi preparatlar var ki, onlar SAKURAT –la birlikdə qəbul edilməməlidir və ya birlikdə qəbul edildikdə doza korreksiyası tələb oluna bilər.

Arzuolunmaz kombinasiyalar:

Asetilsalisil turşusu (aspirin), kortikosteroidlər və ya digər iltihabəleyhinə preparatlar.
Varfarin, heparin və ya laxtalanmanın qarşısını almaq üçün istifadə olunan digər preparatlar.
Əhval- ruhiyyə pozulmalarını müalicə etmək üçün istifadə olunan litium preparatları.
Revmatoid artritin (oynaqlarda ağrı və deformasiyaya səbəb olan uzunmüddətli (xroniki) vəziyyət) və xərçəngin müalicəsi üçün istifadə olunan metotreksat preparatı.
Epilepsiya əleyhinə istifadə olunan hidantoinlər və fenitoin.
Bakterial infeksiyalar( iltihaba səbəb olan xəstəlik) üçün istifadə olunan sülfametoksazol.

Diqqət tələb edən kombinasiyalar:

Ürək xəstəliklərində və yüksək qan təzyiqində istifadə edilən AÇF inhibitorları, diuretiklər, beta-blokatorlar və angiotenzin II antaqonistləri.
Xroniki venoz xoraların müalicəsində istifadə olunan pentoksifillin və okspentifillin preparatı.
Virus infeksiyalarının müalicəsində istifadə olunan zidovudin preparatı.
Bakterial infeksiyaların müalicəsində istifadə olunan aminoqlikozid qrupu antibiotiklər (gentamisin, amikasin və s.)
Diabetdə istifadə olunan xlorpropamid və glibenklamid.

Digər diqqət tələb edən kombinasiyalar:

Bakterial infeksiyaların müalicəsində istifadə olunan xinolon qrupu antibiotikləri (məs. siprofloksasin, levofloksasin).
İmmun sistemi xəstəliklərinin müalicəsində və orqan nəqlində istifadə olunan siklosporin və ya takrolimus preparatı.
Streptokinaza və digər trombolitik və ya fibrinolitik preparatlar, yəni qan laxtalarını parçalamaq üçün istifadə olunan preparatlar.
Podaqranın müalicəsi üçün istifadə olunan probenesid preparatı.
Xroniki ürək çatışmazlığının müalicəsində istifadə olunan digoksin preparatı.
Abortda istifadə olunan mifepriston (hamiləliyi dayandırmaq üçün) preparatı.
Serotonin geriyə tutulmasının selektiv inhibitorları (SGTSİ) kimi antidepresantlar
Trombositlərin aqreqasiyasını azaldaraq trombəmələgəlmənin qarşısını alan antiaqreqantlar.

Reseptsiz satılan dərmanlar da daxil olmaqla başqa hər hansı bir dərman qəbul edirsinizsə və ya qəbul etmisinizsə, həkiminizi və ya əczacınızı məlumatlandırın.

Hamiləlik və laktasiya dövründə istifadəsi

Hamiləlik

Preparatı qəbul etməzdən əvvəl həkim və ya əczacıyla məsləhətləşin.

Hamiləliyin üçüncü trimestrində SAKURAT istifadə etməyin.

Hamilə olduğunuz və ya hamilə qalmağı planlaşdırdığınız təqdirdə, SAKURAT –ın sizin üçün uyğun olub-olmayacağını bilmək üçün həkiminizi xəbərdar edin. Hamilə qalmağı planlaşdıran və ya hamilə olan qadınlar SAKURAT –ın istifadəsindən çəkinməlidirlər. Hamiləliyin istənilən mərhələsində müalicə yalnız həkimin göstərişi ilə həyata keçirilməlidir.

Müalicə zamanı hamilə olduğunuzu bildiyiniz halda, dərhal həkiminizi və ya əczacınız məlumatlandırın

Laktasiya.

Preparatı qəbul etməzdən əvvəl həkim və ya əczacıyla məsləhətləşin

Əgər uşağa süd verirsinizsə SAKURAT istifadə etməyin

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri

SAKURAT-la müalicə zamanı başgicəllənmə və ya yuxululuq vermə ehtimalı səbəbindən nəqliyyat vasitələrini idarə etmə qabiliyyətinizə bir qədər təsir edə bilər. Belə təsirlər baş verdiyi hallarda simptomlar yox olana qədər təhlükəli mexanizmləri və avtomobil idarə etməyin. Məsləhət lazım olduqda həkiminizə müraciət edin.

İstifadə qaydası və dozası

Bu dərman preparatını həmişə həkiminizin dediyi qaydada qəbul edin. Əmin olmadığınız halda həkiminizə müraciət edin.

Simptomların növünə, şiddətinə və müddətinə görə həkiminiz sizə hansı dozada SAKURAT-a ehtiyacınız olduğunuz barədə məlumat verəcəkdir. Tövsiyə olunan doza adətən hər 8-12 saatdan bir, 1 ampula (50 mq) SAKURAT-ın təyinatıdır. Lazım gələrsə, inyeksiya 6 saatdan sonra təkrarlana bilər. Heç bir halda SAKURAT-ın ümumi gündəlik dozasını 150 mq(3 ampul)-dan yuxarı qaldırmayın. İnyeksion müalicədən yalnız kəskin dövrdə istifadə edin(yəni 2 gündən çox olmayaraq). Mümkün olan hallarda ağrı kəsici tabletlərdən istifadə edin.

Tətbiq formaları

SAKURAT həm əzələdaxili həm də venadaxili tətbiq oluna bilər. SAKURAT əzələ daxili yeridildikdə, inyeksiya məhlulu rəngli ampula açıldıqdan dərhal sonra əzələ daxilinə dərin yeridilərək vurulmalıdır.Yalnız şəffaf, rəngsiz məhlul istifadə edilməlidir.

Müxtəlif yaş qrupları

Uşaqlarda və yeniyetmələrdə istifadəsi

Deksketoprofen uşaq və yeniyetmələrdə tədqiq olunmamışdır (<18 yaş). Bu səbəbdən təhlükəsizlik və effektivliliyi öyrənilməmişdir və SAKURAT uşaq və yeniyetmələrdə istifadə edilməməlidir.

Yaşlılarda istifadəsi

Böyrək funksiyası pozulmuş yaşlı insanlar gündəlik SAKURAT 50 mq (1 ampula) dozas həddini keçməməlidir.

İstifadə zamanı xüsusi şərtlər

Böyrək / qaraciyər çatışmazlığında

Böyrək və ya qaraciyər problemləri olan xəstələr ümumi gündəlik SAKURAT 50 mq (1 ampul) dozasını keçməməlidir.

SAKURAT -ın təsirinin çox güclü və ya çox zəif olduğu barədə təəssüratınız yaranarsa, həkiminizə və ya əczacınızə məlumat verin.

Əlavə təsirləri

Bütün dərmanlar kimi, SAKURAT-ın istifadəsi əlavə təsirlərə səbəb ola bilər, yalnız bu əlavə təsirlər, hamıya aid olmayıb SAKURAT -ın tərkibindəki kompomponentlərə həssas olan

insanlara aiddir.

Aşağıdakı hallardan hər hansı birini gördükdə, SAKURAT-ı qəbul etməyi dayandırın və dərhal

həkiminizə müraciət edin və ya ən yaxın xəstəxananın təcili yardım şöbəsinə müraciət edin.

Anafilaktik reaksiya (kollapsa səbəb ola biləcək yüksək həssaslıq reaksiyası)
Ağız, göz və cinsiyyət orqanlarının selikli qışasında xora(Stivens-Conson və Layell sindromu)
Üzün və dodaqların və ya boğazın şişməsi (angionevrotik ödem).
Tənəffüs yolları əzələlərinin yığılması səbəbindən nəfəs darlığı (bronxospazm).

Bunların hamısı çox ciddi əlavə təsirlərdir. Bunlardan hər hansı biri varsa, deməli SAKURAT-a qarşı ciddi allergiyanız var. Təcili tibbi yardıma ehtiyacınız ola bilər.

Çox ciddi yan təsirlər çox nadir hallarda, müşahidə olunur.

Əlavə təsirlərin tezliyi aşağıdakı parametrlərlə təyin edilir:

çox tez-tez (≥ 1/10); tez-tez (≥ 1/100 – < 1/10); bəzən (≥ 1/1000 – < 1/100); nadir hallarda

(≥ 1/10000 – < 1/1000); çox nadir hallarda (< 1/10000); məlum deyil (əldə olan məlumatlar görə tezliyi qiymətləndirmək mümkün deyil).

Ümumi əlavə təsirlər:

Ürəkbulanma və /və ya qusma.
İnyeksiya yerində ağrı.
İnyeksiya yerində iltihab, göyərmə və ya qanaxma kimi reaksiyalar

Bəzən baş verən əlavə təsirlər:

Qan qusma.
Qan təzyiqinın aşağı düşməsi
Yüksək temperatur
Bulanıq görmə
Başgicəllənmə.
Yuxululuq
Yuxu pozulmaları
Baş ağrısı
Anemiya
Qarında ağrı
Qəbzlik
Həzm problemləri.
İshal
Ağızda quruluq
Qızartı
Səpgi
Dermatit
Qaşınma
Tərləmənin artması.
Yorğunluq
Ağrı
Soyuqluq hissi

Nadir əlavə təsirlər

Peptiki xora, mədə xorasının qanaxması və ya mədə xorasının perforasiyası.
Qan təzyiqinin yüksəlməsi
Huşun itməsi
Zəif nəfəs alma.
Qan laxtalanması səbəbindən damar səthinin iltihabı (səthi tromboflebit).
Təcrid olunmuş ürək vurğuları (ekstrasistoliya).
Ürək döyüntü
Periferik ödem (əl və ayaqların şişməsi).
Laringeal ödem (səs tellərinin şişməsi).
Anormalıq hissi
Qızdırma və titrəmə hissi.
Qulaqlarda cingilti
Qaşıntılı səpgi.
Sarılıq.
Sızanaq
Bel ağrısı
Böyrək ağrısı.
Tez-tez sidiyə getmə
Aybaşı pozulmaları.
Prostat problemləri
Əzələ sərtliyi.
Oynaq sərtliyi
Əzələ qıcolmaları.
Qeyri-normal qaraciyər testləri (qan testləri), qanda şəkərinin artması (hiperqlikemiya), qanda şəkərinin azalması (hipoqlikemiya), qanda triqliseridlərin konsentrasiyasının artması (hipertriqliseridemiya), sidikdə keton cisimləri(ketonuriya), sidikdə zülal (proteinuriya) )))
Qaraciyər hüceyrələrinin zədələnməsi (hepatit)
Kəskin böyrək çatışmazlığı

Çox nadir hallarda:

Nəfəs darlığı
Pankreatit
Dərinin həssaslığının və dərinin işığa qarşı həssaslığın artması.
Böyrəklərin zədələnməsi.
Leykositlərin sayının azalması (neytropeniya)
Trombositlərin sayının azalması (trombositopeniya)

Müalicənin başlanğıcında mədə-bağırsağa aid əlavə təsirlər(mədədə ağrı, qıcqırma və ya qanaxma) görsəniz və əvvəllər də uzun müddətli iltihabəleyhinə preparatların istifadəsinə zamanı buna oxşar əlavə təsirlərdən əziyyət çəkmisinizsə, dərhal həkiminizi məlumatlandırın, xüsusilə də yaşlı birisinizsə.

Dəridə səpkilər və ya selikli səthlərdə(ağız içi kimi) hər hansı bir zədələnmə və ya hər hansı bir allergiya əlaməti görən kimi SAKURAT istifadə etməyi dayandırın.

Qeyri steroid iltihab əleyhinə dərmanlarla müalicə zamanı mayenin toxumalarda tutma və ödem (xüsusilə topuq və ayaqlarda) hesabına ürək çatışmazlığı və qan təzyiqinin qalxması müşahidə oluna bilər. SAKURAT kimi dərmanlar infarkt (“miokard infarktı”) və ya insult yarada bilən dərmanlardan çox cüzi risk daşıyan dərmanlar qrupuna aid olsada.

Sistemli qırmızı qurd eşənəyi və ya birləşdirici toxumanın sistem xəstəlikləri(immunitet sistemin patologiyaları hesabına birləşdirici toxumanın zədələnməsi) olan şəxslərdə, iltihab əleyhinə

dərmanlar nadir hallarda qızdırma, baş ağrısı və boyun arxası sahənin sərtliyinə səbəb ola bilər.

SAKURAT istifadə edərkən infeksiya əlamətləri inkişaf etsə və ya ağırlaşsa dərhal həkiminizə bildirin.

Əlavə təsirlərdən birinin ciddiləşdiyini və ya bu içlikdə göstərilməyən hər hansı bir əlavə təsir gördüyünüzdə həkiminizə və ya əczacınıza məlumat verin.

Bu içlikdə göstərilməyən hər hansı bir əlavə təsir görsəniz, xahiş olunur həkiminizə və ya əczacınıza məlumat verin.

Doza həddinin aşılması :

Təyin ediləndən çox SAKURAT istifadə edirsinizsə, həkimizi və ya əczaçınızı məlumatlandırın.

Xahiş olunur bu dərmanın qutusunu və ya bu içlik vərəqini özünüzlə götürməyi unutmayın.

SAKURAT istifadə etməyi unutmusunuzsa:

Unudulmuş dozanın əvəzini çıxarmaq üçün ikiqat doza qəbul etməyin.

Növbəti müntəzəm doza vaxtı gəldikdə istifadə edin (bölmə 3 “SAKURAT-dan istifadə qaydaları” na əsasən)

Bu dərmanın istifadəsi ilə bağlı başqa suallarınız varsa, həkiminizə və ya əczacınıza müraciət edin.

Buraxılış forması

SAKURAT hər birində 50 mq deksketoprofen trometamol ehtiva edən, hər biri 2 ml olan, rəngsiz, şəffaf məhlul, içlik vərəqəsi ilə birlikdə 6 ampul karton qutuda.

Saxlanma şəraiti

SAKURAT ampul 25ºС temperaturdan aşağı, işıqdan qorumaqla və uşaqların əli çatmayan yerdə orjinal qutusunda saxlamaq lazımdır

Ampula açıldıqdan dərhal sonra istifadə olunmalıdır.

SAKURAT 50 mg / 2 ml IM / IV inyeksiya üçün məhlul, 2ºC – 8ºC arasında saxlanılmışdırsa, o zaman istifadədən qabaq otaq şəraitində 2 saat işıqdan qorunaraq saxlanılmalıdır.

Yararlılıq müddəti

2 il

Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

DEVA Holding A.Ş. TURKEY

Ünvan:

Dumlupınar Mahallesi, Ankara Caddesi No: 2 Kartepe – KOCAELİ / TURKEY

Məhsulun və əmtəə nişanının sahibi:

“Prudens Pharma” LP, Şotlandiya.